當美國的雷曼兄弟破產的消息公佈時, 就知道這對遠在地球另一端的澳門來說, 必會受到一定的牽連, 祇是沒想到這牽連竟累及一些無心投機的小市民。原來我們一直認為不容易出事、穩定的債券中有不少部份都受雷曼兄弟的影響, 有些更可能導致血本無歸, 可憐這些小市民辛苦得來的積蓄就化為烏有.......

前幾日同友人去澳門蛋打保齡, 呢次其實算係第二次打, 第一次都應該係十年前, 而且果時根本唔識又冇人教, 所以差唔多球球都落坑。不過今次有人教路, 所以打得都算唔錯, 第一局有五十幾分, 第二局就有九十幾分, 仲試過一次全中, 連我自己都估唔到, 哈哈, 都係佢教得好.......同埋我資質撘夠.......哈哈........

朋友終於結婚了, 好朋友同佢拍左十年拖既男朋友終於決定結婚, 真係替佢地高興, 祝佢地幸福&白頭到老。

有些人總愛生活有規律, 總愛為自己訂下一些規則, 但當被一些突如其來(或可說是意外)的事所干擾時, 就容易出現一些所謂的憂慮。這些憂慮嚴重時可讓人完全失去平衡, 甚至失去理性, 亦因此影響工作、朋友甚至生活的每個部份.......

這時也許我們可以做的便是好好的控制自己的情緒, 或盡量找一些令自己舒服、有安全感的事做, 放鬆下來, 再重新調整自己的規律.......那你依然是可以繼續依規律行事的。

之前一直嚷著要去旅行，但係因為無假期所以無得去。於是友人就趁我有一天半的假期帶我到香港天半遊，由佢做導遊。而這短短的一天半我們就遊了香港三島：香港島、南丫島及長洲，我地成個行程坐左好多船，亦行左好多路，雖然有啲累，但係好開心丫，而且天公造美，係我地既行程中天氣都算唔錯，不太熱又無大雨，但都流左好多汗。享受呢種日子，享受同佢一齊。

記得讀小學果時，同學仔個個都開始有偶像，自己就諗我又要搵個偶像。於是當我有一次見到一張郭富城既yes卡，我就俾佢果種情深深既眼神迷住左，而就係咁佢就成為我既偶像。雖然佢並無太完美既聲線，演技亦唔講得係特別好，但係佢一直都好努力。祇不過身邊就唔係太多朋友鍾意佢，雖然依家既我並無少女時對佢既迷戀，但對佢仍然有種好感，其實佢都唔係咁差啫。

上星期終於第一次聽到佢既演唱會，總算為少女時既自己了左件心事。