上星期六約左朋友上松山跑步，果日天氣都幾熱。因為怕流汗，一開始仲有啲想唔跑，但係都黎到囉就跑下啦。
原先以為可以跑到一個圈，點知一起步就感得對腳好重，終於明白咩叫"步步為艱"。不過都堅持一直跑，仲保持速度，結果跑左冇幾耐朋友就開始落後，再過一陣佢已經堅持唔到，要喊停，結果我地祇係跑左半個圈左右，行左一個半圈。
仲要到第二朝起身，對腳都有啲酸痛，真係差勁，枉我仲自稱曾經係校隊，講出黎都笑死人.......
實在太耐冇做運動啦，做得又少，個肚腩已經一早走左出黎，仲差啲俾人誤會有左，都係唔識死，仲偷懶唔做運動......唉.......

朋友啱啱生左個BB，真係好替佢高興，記得佢話俾我知佢有左既時候，我比佢還要高興。佢已經係第三個比較熟既朋友生BB，但係今次既感觸比較大，可能係因為年紀大，而且又結左婚，好自然就諗下自已。

朋友生果日就去左醫院探佢，見到佢既家人都有係度就知道尼個BB一定會有好多人錫，依家D小朋友最怕就係俾家人寵壞，希望佢唔會啦! 不過佢地第一次生BB，大家都好緊張丫，小公主不要變成小魔怪.......

屋企既魚仔最近都生左BB丫~~

從來以為祇有暈船浪、暈車浪同暈機浪，但原來仲有暈海浪。近日既天氣很好，又住得咁近海灘，所以佢忍唔住一大早七點幾一個人跑到海灘去游水，但兩次游完返黎都暈"舵舵"，講出黎都幾好笑。不過又幾危險，因為果個時段都冇救生員，連游水既人都唔多個，如果有咩事都唔知點算。